艾威老婆赶不及换肝病逝，好友张松枝感难过：希望威哥睇开

张松枝今日（19/5）现身将军澳电视城出席无线新剧《刑侦12》宣传造势活动。张松枝接受《香港01》访问时表示：“其实我13年都冇拍TVB嘅剧，今次返嚟令我谂起好多回忆，而今次我演嘅角色，只能够讲我系一个好人，同埋系一个好有正义感嘅人嚟，变咗喺剧入面，有7成嘅动作场口系包揽晒，体力上我仲可以应付到，不成问题。”

张松枝与林保怡在剧中有不少打斗场面。（陈顺祯摄）

提到好友艾威老婆Lisa日前等不及换肝病逝，终年61岁。张松枝感难过：“其实有呢个消息，大家都好唔想。因为大家都知道佢哋两公婆系好恩爱，同埋大家都知道佢太太持续咁病，病情亦反反复复。咁我希望威哥睇开啲，我哋继续喺演艺圈做返啲成绩，俾上咗天堂嘅太太得到安慰。（收到呢个消息，有否慰问艾威？）冇呀，因为唔敢打扰佢，想等呢段时间过度咗先，同埋俾啲空间佢，等佢可以慢慢咁消化，因为都知道佢应该有身后事要处理，咁所以都唔想打扰到佢。”

艾威爱妻赶不及换肝病逝。

张松枝希望艾威振作。（陈顺祯摄）